Malli i Lorit

Loreta Kaçka-Lori nuk ka pushuar së realizuari projekte të reja. Këto ditë ajo ka realizuar edhe këngën më të re, të cilën e këndoi në duet me një këngëtar nga Maqedonia, emri i të cilit është Shpresim. Një duet mes dy këngëtarëve ka risjellë një këngë tjetër me shumë ritëm, për t’i freskuar adhuruesit nga temperaturat e larta që do të na shoqërojnë gjatë sezonit veror. “Kënga titullohet “Malli po më vret” dhe nuk është shtjelluar shumë teksti dhe nuk ka ndonjë fabul në klip. Skenat janë xhiruar në dy objekte. Ajo që ka rëndësi për mua, është një klip interesant me ritme verore dhe kaq”, sqaron këngëtarja, duke shpresuar se kënga do të pëlqehet nga publiku dhe adhuruesit e muzikës së saj.