Trekëndësh pasioni në “Big Brother 2”

Artisti i madh italian, Renato Zero, këndon: “Nuk më pëlqen trekëndëshi… (në dashuri)”, por në “Big Brother 2”, ashtu si në jetën e përditshme, gjithçkamund të ndodhë. Këndet e këtij trekëndëshi pasioni në “Big Brother 2”quhen: Bjordi, Moza dhe Arjon. Të vëmendshmit janë bindur se që në ditët e para të lojës Bjordi nuk e fshehu tërheqjen e tij për Mozën. Djaloshi simpatik durrsak, i rritur në Itali, nuk i ndahet asaj për asnjë çast, duke u përpjekur ta fusë në bisedë, por edhe thjesht duke i qëndruar pranë. Për Bjordin është hera e parë që njeh nga afër një vajzë nga Kosova dhe kjo ia bën Mozën edhe mëtërheqëse. Ditën e dytë, ai me shumë elegancë iu afrua bukuroshes nga Kosova, që duket shumë e ekuilibruar në veprimet e saj, dhe e mori në vallëzim. Por edhe Arjoni nuk ka mbetur indiferent nga sensualiteti i Mozës. Më pak spektakolar se Bjordi, ai gjatë kohës që po i përgatiste diçka për të ngrënë bukuroshes kosovare, i tregoi asaj duke aluduar për më shumë se nuk është i zoti vetëm për të bërë një sandviç, por çdo gjë që merr në dorë e bën në mënyrë të përsosur. Ndërkohë që dy kavalierët po bëjnë hapa të matur drejtvajzës që duket se ju pëlqen, Moza shfaqet e rezervuar dhe jo shumë e lexueshme në reagimet e saj.

Arjoni: “Nuk më vjen inat!”

Arjoni ka komentuar me Aidën, Zhuljetën dhe Agonin insistimin e Adelës që ai të pranonte se i vinte inat që Bjordi e pëlqente Mozën. “Pranoje, pranoje!”, imitonte ai Adelën. Ai vazhdoi duke thënë se është normale që ai të ketë egon mashkullore, por jo se i vjen inat. Në fakt, gjatë bisedës mes të dyve, një natë më parë Adelajda ka insistuar që ai të pranonte konkurrencën mes tij dhe Bjordit në lidhje me Mimozën, fakt të cilin ai nuk e ka mohuar, por gjithsesi ai nuk mund të pranonte se i vinte inat për këtë afrim të Bjordit me Mimozën.