leonora jakupi Kastriot Tushën mysafire në „Zambakun e Prizrenit“ intervista by lalipaki

Leonora Jakupin
Gjithnjë e bukur dhe elegante në skenë

Leonora Jakupi më 2 korrik të këtij viti ishte mysafire në Festivalin tradicional „Zambaku i Prizrenit“. Me këngëtarin e mirënjohur Kastriot Tushën kënduan një potpuri këngësh. I tërë publiku i përcolli me duartrokitje, por kjo nuk është diçka për t’u çuditur, pasi që gjithë e dimë se Leonora është një këngëtare shumë e adhuruar nga gjithë grupmoshat.



Dritarja: Si e ndjenit veten para publikut prizrenas në këtë mbrëmje?
Leonora Jakupi: Ishe një përjetim mjaft emocionues. E kemi realizuar një potpuri të mrekullueshme me Kastriot Tushën dhe kjo ishte hera e parë që e këndonim së bashku para publikut prizrenas.

Dritarja: A vini shpesh në Prizren?
Leonora Jakupi: Ka kohë që nuk kam qenë në Prizren, dhe jam shumë e lumtur që këtë herë pata rastin që të shëtis dhe t’i shoh vendet e bukura të këtij qyteti.

Dritarja: Cilët pjesë të këtij qyteti i adhuroni më së shumti?
Leonora Jakupi: Prizreni është një qytet historik dhe shumë i bukur. E pëlqej shumë pjesën e kalasë, Lumbardhin dhe natyrisht Urën e gurit.

Dritarja: Ku dhe me kend do t’i kalojë Leonora pushimet verore?
Leonora Jakupi: Si gjithmonë, pushimet i kaloj me familjen time. Tashmë ka pesë vite që pushimet i kalojmë në Durrës, meqenëse e kemi blerë një vilë atje.

Dritarja: Cilat janë planet tuaja për të ardhmen?
Leonora Jakupi: Jam duke i realizuar dy këngë të reja, natyrisht që të dyja do të jenë me videoklipe. Album njëherë nuk kam ndërmend të bëj, ngase do të më marrë shumë kohë dhe punë. Pastaj, nuk shpaguhet ajo punë aq e mundimshme.

Dritarja: Dhe në fund, porosia juaj për të rinjtë e Kosovës?
Leonora Jakupi: Le të argëtohen më gjëra të mira, dhe t’u largohen atyre të këqijave. Vetëm duke e ndihmuar njëri tjetrin, mund të arrijnë diçka në jetë.