Adelina Ismaili Ne Fllad Veror Ne KtV By Gentii

mar nga magazina vip Këngëtarja kosovare Adelina Ismajli e cila së fundi ka promovuar albumin “Feniks” edhe në Zvicër në një intervistë dhënë ‘Flladit Veror’ në Kohavision ka thënë se paraqitja e saj në mbylljen e spektaklit televiziv “Big Brother Albania” ka qenë një eksperiencë e mirë për të, meqë, ‘në një farë mënyre ishte edhe një rikthim imi në tregun e Shqipërisë’ ka thënë ajo. Megjithëkëtë e pyetur nëse do të pranonte që ndonjëherë të bëhej banore e shtëpisë së “Big Brother” qoftë në Shqipëri apo edhe në ndonjë vend tjetër evropian, Ismajli ka thënë se nuk do ta dëshironte një gjë të tillë. Kjo, sepse ka 23 vjet që ndodhet para kamerave dhe gjithmonë mundohet të ruaj me xhelozi një pjesë të vogël të kohës larg kamerave dhe gazetarëve. ‘Nuk do ta bëja një gjë të tillë përndryshe me pëlqen si emision dhe më pëlqen t’i shoh të tjerët çfarë bëjnë’, ka përfunduar Ismajli.