Kimi Raikonen kampioni i ri i botës në Formula 1

Piloti finlandez i Ferrarit ka përfituar nga gabimet e skuderisë MekLaren duke shkëputur trofeun vetëm në garën e fundit të sezonit, atë të zhvilluar në Brazil. Ka gabuar gjithçka skuderia e Ron Denis, që kishte dy pilotë që kryesonin renditjen para kësaj gare. Favoriti kryesor, Ljuis Hamilton, është ndëshkuar nga një problem në makinë, që e ka detyruar ta mbyllë garën i 7-ti. Ndërsa Alonso, i gjetur pas dy makinave Ferrari, nuk mund të bënte më shumë se një vend i tretë.